ابڙو اڪيڊمي Abro Academy
2020-07-22
داخلا نمبر 635
عنوان ڪانهرو، وڏو سِلي
شاخ پکي
پڙهيو ويو 359
داخلا جو حوالو:
ڪانهرو، وڏو سِلي
ڪانهرو، وڏو سِلي
ڪانهرو، وڏو سِلي
82 کان 90 سينٽي ميٽر (لڳ ڀڳ 36 انچ) جسامت واري هن پکيءَ جا نر ماد هڪجهڙا ٿيندا آهن، جسم ڪارو ٿئيس ٿو. ڳل اڇو ۽ ٽنگن کان مٿي پاسن کان اڇو چٽو هوندو اٿس. چهنب جي هيٺان هيڊي ٿيلهي اٿس. اک هيڊي، ماڻڪي ڪاري ۽ چهنب جي نوڪ مڙيل ٿئيس ٿي. پيـر بدڪ وانگر ڳنڍيل هوندا اٿس. سلي پکي پاڻي تي ترندي مڇي ڳوليندا آهن،. جيئن ئي کين شڪار نظر ايندو آهي ته ٿورو مٿڀرو اُٿي، هيٺ ٽٻي هڻي شڪار جهٽي وٺندا آهن. اهو پاڻيءَ ۾ اندر پنهنجي سخت پڇ کي سُکاڻ طور استعمال ڪندو آهي. جيتوڻيڪ هي آبي پکي آهي پر ان جا کنڀ کهرا ۽ عام پکين وانگر اڻڀا هوندا آهن ۽ پاڻيءَ جي اثر سبب آلا ٿي پوندا آهن. ان ڪري اڪثر وقت اُس ۾ پَـر پکيڙي پيو سيڪندو آهي. اڪثر هر هنڌ هوندو آهي ۽ پاڻيءَ جي ڪنڌين تي ولرن ۾ ڏسبو آهي.